Garhwali, Hindi and English Literature

  -36-  गौं कित्गा बदलेगे --------------- अब तऽ गौंऊँ मा भि व बात नि रैगे, पैलि जन भै-भयात व मनख्यात नि रैगे. उपरि-उपरि-सि दिखेणा छन लोग-बाग, नै जमऽनै सका-सैर्यूंऽ कन औडुळ ऐगे. माटा मनखीऽ सिक्कि चुप्फा मा धरी छन, हिरणू मथी-मथि, माटा से एलर्जी ह्वेगे. बड़ा मनख्यूँ तैं दिखाणै जरूरत नि पुड़द, द्वी कौड़ीऽ अफुतैं धन्नासेठ चितैगे. अफुतैं भलु बताणौ, करणू औरूँ काट, मूर्ख बिना सोच-समझी भकलौंण मा ऐगे. प्रकृतीऽ प्यारा मनखी क्य ह्वा त्वे तैं, मॉडर्न बणणा चक्कर मा बौळ्या ह्वेगे. प्रकृति तऽ छ पैलि जन हि स्वाणि, मनखी मन म्वासु-सि झणि किलै ह्वेगे. सुचुदु छा गौं दूर ह्वाला दिखावा से, पर अब दिखदु कि गौं कित्गा बदलेगे. Copyright © सतीश रावत 12/06/2017 Tags for Poems, Garhwali - गढ़वळि कविता, गढ़वाली कविताएं, Garhwali Poems, सतीश रावत, Satish Rawat, सतीश रावत कि कविता, सतीश रावत की कविताएं, Poems of Satish Rawat, सतीश रावत कि गढ़वळि कविता, सतीश रावत की गढ़वाली कविताएं, Garhwali Poems of Satish Rawat, सतीश रावत, नौड़ियाल गाँव, कफोलस्यूं, पौड़ी गढ़वाल, उत्तराखण्ड, भारत, Satish Rawat

-41- अपणा  -------  द्वी बचन प्यार का, अपणौं दगड़ ब्वाला त सही;  हळ्कु ह्वे जालु प्राण भौत, मन कि गेड़ ख्वाला त सही.  टुट्याँ धागौं तैं जोड़ी, रिश्तौं कि माळा गंठ्यावा त सही;  गेड़ लुकि जालि सबि, फूलूँ मा रस खुज्यावा त सही.  खुट्यूँ मा खुटि धैरी बैठ्याँ नि रावा, बुरयूँ दगड़ लाड़ा त सही;  ताकतवर त तुम बि छाँ, यीं ताकत तैं जरा पाढ़ा त सही.  मि, मि अर मि भौत ह्वे ग्या, ये मि तैं अब त्वाड़ा त सही;  ताकत त हम मा हि होंद, इतिहास जना धौंण म्वाड़ा त सही.  दम घुटे जालु बुरऽयूँ कु एक दिन, अँध्यरा उबुर यूँ तैं ग्वाड़ा त सही.  जिंदगी स्वाणि ह्वे जालि एक दिन, नखरि आदतूँ तैं छ्वाड़ा त सही.  घौर क्या सुंदर संसार बण जालु, छपछपि ढुंग्यूँ तैं सारा त सही,  जितणौं त सर्या दुनिया पुड़ी छ, अपणौं दगड़ एक दाँ हारा त सही.  Copyright © सतीश रावत  06/01/2018  Tags for Poems, Garhwali - गढ़वळि कविता, गढ़वाली कविताएं, Garhwali Poems, सतीश रावत, Satish Rawat, सतीश रावत कि कविता, सतीश रावत की कविताएं, Poems of Satish Rawat, सतीश रावत कि गढ़वळि कविता, सतीश रावत की गढ़वाली कविताएं, Garhwali Poems of Satish Rawat, सतीश राव