GARHWALI POEM ''सहारु'' BY SATISH RAWAT

सहारु

-----

भगवान जी !

कभि-कभि याद अंद्या तुम 

भौत ज्यादा. 

तुमरि रची सृष्टि 

नि पछयाँण साक क्वी 

कभि तऽ लगदो कि तुम साथ छाँ 

अर कभि पड़ जाँदु एकदम अकेला 

कभि तऽ रैंद मन खुश 

अर कभि उदास 

कभि रख देंदा तुम 

कंधा मऽ  हाथ 

तऽ दगड़्या जन सहारु लगदो 

कभि-कभि रख देंदा तुम 

जब म्यारा मुंड मऽ हाथ 

तरपर-तरपर होंण बैठ जाँद 

सुख का आँसू की बरसात 

बण जाँदु मि एक ननु नौनु 

भूल जाँदु सब ज्ञान-अज्ञान 

बौगण बैठि जाँदु तुम दगड़ 

किलैकि मि जणदु छौं 

तुमऽरा हाथों नऽ सम्भाल ही देण मेथै. 

अब न तऽ डरदु छौं 

अर न  ही घबराँदु  

ये जीवन मऽ तुमरु ही सहारु चाँदु. 

तुम ऐ जँद्या जीवन मऽ - 

कभि बुळख्या, कभि कमेड़ु,

कभि कलम, कभि पाटी, 

कभि शब्द, कभि कल्पना,

अर कभि कविता कु रूप धरि की. 

कभि नि कैर सकदो 

इंसाफ अफु डगड़ ही 

नि निकाळ सकदो टैम 

अपणा वास्ता 

मि चाँदु कि एक घड़ि खूब सोचूँ तुम थैं,

खूब बच्यौं तुम दगड़, 

खूब एहसास करु तुमरु 

बिल्कुल एकांत मऽ. 

कभि आधार 

तऽ कभि सहारु बण जँद्या तुम 

स्थापित ह्वे जँदिन तुम मऽ 

विचारूँ का गौं 

बढण बैठ जाँद भावनाओं की लगुली,

खिल जँदिन शब्दूँ का फूल,

रंग जाँद जीवन 

तुमऽरा ही रंग मऽ 

प्रभु जी !

अपणा रंग इनी बिखराणा रैंया 

हमऽरी धरती थैं 

रँगू मऽ अपणा रंगिकि 

सजाणा रैंया.

 

Copyright © सतीश रावत 

30/08/2016

Sociopolitical Satirical, Current Event depicting, Garhwali Poems, Folk Songs , verses from Garhwal, Uttarakhand; Sociopolitical Satirical, Current Event depicting,Garhwali Poems, Folk Songs , verses from Pauri Garhwal, Uttarakhand; Sociopolitical Satirical, Current Event depicting,Garhwali Poems, Folk Songs , verses from Chamoli Garhwal, Uttarakhand; Garhwali Poems, Sociopolitical Satirical, Current Event depicting,Folk Songs , verses from Rudraprayag Garhwal, Uttarakhand; Garhwali Poems, Folk Songs , verses from Tehri Garhwal, Uttarakhand; Sociopolitical Satirical, Current Event depicting,Garhwali Poems, Folk Songs , verses from Uttarkashi Garhwal, Uttarakhand; Garhwali Poems, Folk Songs , verses from Dehradun Garhwal, Uttarakhand; Garhwali Poems, Folk Songs , Sociopolitical Satirical, Current Event depicting,verses from Haridwar Garhwal, Uttarakhand; Himalayan Poetries, North Indian Poetries , Indian Poems, SAARC countries poems, Asian Poems , Sociopolitical Satirical, Current Event depicting,
 गढ़वाल , उत्तराखंड ,हिमालय से गढ़वाली कविताएं , गीत ; पौड़ी  गढ़वाल , उत्तराखंड ,हिमालय से गढ़वाली कविताएं , गीत ; चमोली  गढ़वाल , उत्तराखंड ,हिमालय से गढ़वाली कविताएं , गीत ; रुद्रप्रयाग  गढ़वाल , उत्तराखंड ,हिमालय से गढ़वाली कविताएं , गीत ;  टिहरी गढ़वाल , उत्तराखंड ,हिमालय से गढ़वाली कविताएं , गीत ; उत्तरकाशी गढ़वाल , उत्तराखंड ,हिमालय से गढ़वाली कविताएं , गीत ; देहरादून   गढ़वाल , उत्तराखंड ,हिमालय से गढ़वाली कविताएं , गीत ;  हरिद्वार गढ़वाल , उत्तराखंड ,हिमालय से गढ़वाली कविताएं , गीत ; Ghazals from Garhwal, Ghazals from Uttarakhand; Ghazals from Himalaya; Ghazals from North India; Ghazals from South Asia, Couplets in Garhwali, Couplets in Himalayan languages , Couplets from north India