गढ़वळि कविता, -39-, नयु दिन

 

-39-

 

नयु दिन
-----------

बिनसरि होंद
रात बिजि जाँद
सुबेर उठि जाँद
चखुलि च्वींच्याँद
घाम आँद
बाछि रमऽद
गौड़ि गुस्याँण खुज्याँद
ताँबै गागर चमकि जाँद
चुला मा चा उमळणी राँद
मिठि-मिठि धै सुण्याँद
स्कूलै घंटि बुलाणी राँद
पुँगड़ौं मा दगड़्या छ्वीं लगाँद
बेटि-ब्वारि घास-लखड़ु लाँद
ढबऽड़ि रूठीऽ खुशबु आँद
इस्कुल्या नौना-बाळौं कि खुशी सुण्याँद
खेल नौना-बाळौं दगड़ खिलणू राँद
चकुंडै डाळि उंगण बैठ जाँद
सुरुक-सुरुक रुमुक आँद
फूल-फटकी जून आँद
गैणौं दगऽड़ खिलणी राँद
हँसदा-हँसदा रात से जाँद
नयु दिन बाटु जग्वळणू राँद
नयु मौका दीण चाँद.

Copyright © सतीश रावत

31/12/2017

Tags for Poems, Garhwali - गढ़वळि कविता, गढ़वाली कविताएं, Garhwali Poems, सतीश रावत, Satish Rawat, सतीश रावत कि कविता, सतीश रावत की कविताएं, Poems of Satish Rawat, सतीश रावत कि गढ़वळि कविता, सतीश रावत की गढ़वाली कविताएं, Garhwali Poems of Satish Rawat, सतीश रावत, नौड़ियाल गाँव, कफोलस्यूं, पौड़ी गढ़वाल, उत्तराखण्ड, भारत, Satish Rawat, Nauriyal Gaon, Kapholsyun, Pauri Garhwal, Uttarakhand, India, गढ़वळि साहित्य, गढ़वाली साहित्य, Garhwali Literature, गढ़वळि साहित्य कवि, गढ़वळि साहित्य कवि, Garhwali Literature Poets, गढ़वळि साहित्य लेखक, गढ़वाली साहित्य लेखक, Garhwali Literature Writers, गढ़वळि कवि, गढ़वाली कवि, Garhwali Poets, गढ़वळि लेखक, गढ़वाली लेखक, Garhwali Writers, गढ़वळि भाषा, गढ़वाली भाषा, Garhwali Language.